இந்துத்துவத்துக்கும் சியோனிசத்திற்கும் ஏற்பட்டுள்ள உறவைப் பார்க்கு முன் ஒன்றை இங்கு நினைவு கொள்வோம். நெருக்கடி நிலைக்கால கொடுமைகளுக்குப் பின் ஆட்சி மாற்றம் ஏற்பட்டதை ஒட்டி பொதுவெளியில் தீவிரமாகத் தலைகாட்டத் தொடங்கிய இந்துத்துவம், இடைக்காலத்தில் அது உருவாக்கி வைத்திருந்த மிக வலுவான இயக்கக் கட்டமைப்புகளை இதில் பயன்படுத்தினர்.

ஒன்றை நாம் நினைவில் கொள்ள வேண்டும். இந்துத்துவம் எப்போதும் தன்னை இந்தியாவுக்குள் சுருக்கிக் கொண்டதில்லை. அவர்களுக்கு இந்த விஷயத்தில் ஒரு "உலகப் பார்வை" உண்டு. சுமார் 20 ஆண்டுகளுக்கு முன்பே நான் இது குறித்து விரிவாக எழுதியுள்ளேன்.

இந்துத்துவத்தை வெறித்தனமாக ஏற்றுக் கொண்டுள்ள உயர்சாதி மத்தியதர வர்க்கத்தினர் மதம், இனம் அல்லது ஒரே இரத்தம் என்கிற அடிப்படையில் ஒரு தேசியச் சமூகத்தைக் கட்டமைக்கும் வகையில் சியோனிசமும் இந்துத்துவமும் ஒன்றுதான் எனச் சொல்லுகின்றனர். பொது எதிரியான முஸ்லிம்களைக் கையாள்வது என்கிற வகையில் இந்தியர்களுக்கு இஸ்ரேலியர்கள் மீது ஒரு இயல்பான நெருக்கம் உள்ளது என்றாலும், இந்த இரண்டு தேசியங்களுக்கும் இடையில் உள்ள இதர மூன்று ஆழமான ஒற்றுமைகள் கவனத்துக்குரியவை என்கின்றனர்.

(பூனித பூமியாம் பாலஸ்தீனம் இஸ்ரேலினால் ஆக்கிரமிக்கப்பட்டு இந்த ஜீன் மாதத்துடன் 50 ஆண்டுகள் நிறைவடைகின்றன. 1967ல் இஸ்ரேல் தனது அண்டை நாடுகள் அனைத்தின் மீதும் போர் தொடுத்து பாலஸ்தீனத்தை முழுமையாக ஆக்கிரமித்தது. நான்கு இலட்சம் பாலஸ்தீனியர்கள் தாம் பிறந்து வளர்ந்து வாழ்ந்த தாய்பூமியை விட்டு அகதிகளாக வெளியேறினார்கள். இதனை கொண்டாடும் வகையில் தானோ இந்திய பிரதமர் நரேந்திர மோடி அடுத்த மாதம் இஸ்ரேல் செல்கிறார். இந்தியாவை ஆட்சி செய்யும் மனுவாதி சங்பரிவாருக்கும் இஸ்ரேலை ஆட்சி செய்யும் பாசிச சியோனிசத்திற்கும் நெருக்கமான உறவு இருந்து வந்துள்ளது. அதனை இத்தொடரில் அம்பலப்படுத்துகிறார் பேராசிரியர் அ.மார்க்ஸ் - பொறுப்பாசிரியர்)

Page 3 of 3
Sign up via our free email subscription service to receive notifications when new information is available.