இந்துத்துவமும், சியோனிசமும் "இரண்டும் ஒண்ணுதான்’’ பாகம் 11

இந்துத்துவமும், சியோனிசமும் இரண்டும் ஒண்ணுதான்

இன்டெர்நெட் இந்துத்துவத்தின் யூத பயங்கரவாதத் தொடர்புகள்

யூத அமைப்புகளின் வழிகாட்டலில் இயங்கி இந்தியா + இஸ்ரேல் + அமெரிக்கா = முஸ்லிம் வெறுப்பு அரசியல் என்கிற சமன்பாட்டின் அடிப்படையில் தீவிரமாகச் செயல்படும் இந்திய NRI களின் இயக்கமாகிய ‘அமெரிக்க இந்திய அரசியல் செயல்பாட்டுக் குழு (USINPAC) பற்றி விரிவாகப் பார்த்தோம். இத் தொடரின் இறுதியாக ‘இந்தியர்களின் பன்னாட்டு நண்பர்களின் சமூகம் (Friends of Indian Society International - FISI)’எனும் அமைப்புக்கும் சியோனிச யூத அமைப்புகளுக்கும் உள்ள சில இரகசியத் தொடர்புகள் குறித்துப் பார்ப்போம்.

ஒரே குட்டையில் ஊறிய மட்டைகள்

இந்த அமைப்புகள் எல்லாமே ஒருவிதத்தில் ஒரே கருத்தியலின் அடிப்படையில்தான் இயங்குகின்றன. அது “இந்துத்துவம் + ‘நியோ கான் நவதாராளவாதம்” என்பதையும் கண்டோம். அப்புறம் இப்படி இயங்கும் பல அமைப்புகளுக்கும் இடையில் அப்படி என்னதான் வித்தியாசம் உள்ளது? இவற்றின் நடவடிக்கைகளைக் கண்காணித்து எழுதி வருகிற நண்பர் ஒருவர் USINPAC / FISI இரண்டையும் இப்படி வேறுபடுத்திக் காட்டுகிறார். திமிஷிமி இந்துத்துவத்தைக் காட்டிலும் சற்றுக் கூடுதலாக நவதாராளவாதப் (பிற்)போக்கிற்கு முக்கியத்துவம் அளிப்பது; USINPAC நவதாராளவாதத்தைக் காட்டிலும் இந்துத்துவத்துக்குச் சற்றுக் கூடுதலாக முக்கியத்துவம் அளிப்பது. அவ்வளவுதான். மற்றபடி யூத அமைப்புகளுடன் நெருக்கம், அமெரிக்காவுக்கும் இந்தியாவுக்கும் இடையில் நெருக்கத்தை அதிகப்படுத்துதல், முஸ்லிம் வெறுப்பு ஆகியவற்றில் இவை எல்லாம் ஒரே குட்டையில் ஊறும் மட்டைகள்தான். இராணுவ மயமாக்கப்பட்ட இந்தியா, பாகிஸ்தான் வெறுப்பு ஆகியவற்றிலும் இவை ஒரே மாதிரியான அணுகல் முறையையே முன்வைப்பவைதான். முஸ்லிம்கள் ஒடுக்கப்பட்ட, அமெரிக்கத் தலைமையிலான நவதாராளவாத ஏகாதிபத்திய உலகு என்பதே இவர்களின் கனவு, இலட்சியம் எல்லாம்.

பொதுத் துறை அழிப்பை கொண்டாடியவர்கள்

வாஜ்பேயி தலைமையில் அமைந்திருந்த பா.ஜ.க கூட்டணி அரசில் பன்னாட்டு முதலாளியத்திற்குச் சாதகமாக இந்திய பொதுத்துறை அழிக்கப்பட்டபோது அதை ஒத்த குரலில் கொண்டாடியவர்கள் இவர்கள். பொதுத்துறையை அழிப்பதற்காகவே ஒரு அமைச்சகம் அப்போது உருவாக்கப்பட்டு அருண்ஷோரி அந்த அமைச்சராக இருந்து செயல்பட்டது நினைவுக்குரியது. அருண்ஷோரியைக் கொண்டாடியவர்கள் இவர்கள்.இப்படியான NRI இந்துத்துவ அமைப்புகளில் ஒன்றுதான் ரோகித் வியாஸ்மானுடைய Hindu Unity. Org. இது அமெரிக்க பஜ்ரங்தள்ளுடைய ஒரு முன்னணி அமைப்பு. இந்த இணையத் தளத்திற்கு ‘இன்டெர்நெட்’ சேவை அளித்து வந்த நிறுவனத்திற்கு புகார்கள் வந்ததன் அடிப்படையில் அது தன் சேவையை நிறுத்திக் கொண்டது. வியாஸ்மான் சோர்ந்துவிடவில்லை. உடனடியாக முக்கிய யூத தளமான Kahane.org இயக்குனர் மிஷேல் குசோஃப்ஸ்கி யின் உதவியை நாடினார். அவர் அப்போது இஸ்ரேலில் இருந்தார். அவர் உடனே அனன்டேல் வர்ஜீனியாவில் இருந்த தன் நண்பரும் தொழிலதிபருமான காரி வார்டெல்லுடன் வியாஸ்மானுக்குத் தொடர்பு ஏற்படுத்திக் கொடுத்தார். இந்த வார்டெல் என்பவர் டேவிட் வில்கெர்சன் என்பவரின் ‘டைம்ஸ் ஸ்கொயர் சர்ச்’ எனும் ஒரு கிறிஸ்தவ சியோனிச அமைப்பின் கிளையாகச் செயல்படுபவர். இந்த வில்கெர்சன் எந்த அளவு சியோனிச வெறியர் என்பதைப் புரிந்து கொள்வதற்கு wordofmessiah.org என்கிற கிறிஸ்தவ சியோனிச இணையத் தளத்தில் அவர் கூறிய கருத்து ஒன்றே போதும். அது:

“ஜெருசலேத்திற்கு எதிராக வரும் எவரையும் கடவுள் அழித்தொழிப்பார் என விவிலியத்தின் ஸகாரியா 12 ல் மிகத் தெளிவாகக் கூறப்பட்டுள்ளது. ஜெருசலேத்தின் ஒரு அங்குல நிலத்தையேனும் அரேபியர்களுக்குக் கொடுக்க வேண்டும் என அமெரிக்க அதிபர் ஜார்ஜ் புஷ் இஸ்ரேலை வற்புறுத்தினார் என்றால் கடவுள் அவருக்கு தண்டனை அளிப்பார்.”இந்துத்துவ தளங்களுக்கு வியாஸ்மானின் சேவை
ரோஹித் வியாஸ்மான் போன்றோர் தங்களுக்கும் பஜ்ரங்தள்ளுக்கும் ஒன்றும் தொடர்பில்லை என பசப்புவார்கள். ஆனால் வியாஸ்மானின் HinduUnity.org, HinduUnity.com, and HinduUnity.net ஆகிய தளங்களுக்கு இன்டெர்நெட் சேவை அளிக்கும் ‘சர்வெர்’ தான் (ip முகவரி : 67.153.104.163) தீவிர இந்துத்துவ தளங்களான BajrangDal.org, BajrangDal.com, and BajrangDal.net ஆகியவற்றுக்கும் சேவை அளிக்கிறது என்பது குறிப்பிடத் தக்கது.


இதே மிறி முகவரியிலிருந்துதான் “யூதத் தற்காப்பு லீக்”கின் (Jewish Defence League- JEL)   நியூயார்க் கிளையால் இயக்கப்படும் Kahane.org, www.jdl-ny.org <http://www.jdl-ny.org முதலான தளங்களுக்கும் இன்டெர்நெட் சேவை அளிக்கப்படுகிறது. மேய்ர் கஹானே என்பவர் 1990 ல் கொல்லப்பட்ட ஒரு யூதத் தீவிரவாதி. இவரை ‘யூதத் தீவிரவாதி’ என அவர்களே பெருமையுடன் சொல்லிக் கொள்கின்றனர். “இழிவுசெய்தலுக்கு எதிரான சியோனிச லீக்” (Zionist Anti Defamation League) எனும் அமைப்பு இவரை, “இனவெறி, வன்முறை, தீவிரவாத அரசியல் ஆகியவற்றை வெளிப்படுத்திய ஒருவகையான யூத தேசியத்தை தொடர்ந்து முன்மொழிந்தவர்” என அறிமுகப்படுத்துவது குறிப்பிடத் தக்கது. 2001 டிசம்பரில் மேற்குறிப்பிட்ட JDL அமைப்பின் தலைவரும் அதன் இன்னொரு உயர் அதிகாரியும், “லாஸ் ஏஞ்சல்ஸ் பகுதியில் உள்ள ஒரு பள்ளிவாசலையும் அமெரிக்கக் காங்கிரஸ் உறுப்பினர் டாரெல் இஸ்ஸா வின் அலுவலகத்தையும் வெடிவைத்துத் தகர்க்க” திட்டமிட்டதாகக் குற்றம்சாட்டப்பட்டது குறிப்பிடத் தக்கது. ‘கஹானேயிசவாதிகள்’ எனக் குறிப்பிடப்படும் இவர்கள் யார் எனப் புரிந்து கொள்ள இந்த அறிமுகம் போதும். மேலே குறிப்பிட்டுள்ள இன்டெர்நெட் சேவையின் ‘டொமெய்ன்’ பெயர் .வீறீ என முடிகிறது. எனவே இது அமெரிக்க மண்ணிலிருந்து செயல்பட்டாலும் ‘இஸ்ரேல்’ சார்ந்த ‘டொமெய்ன்’ என்பது இதன் மூலம் விளங்குகிறது.


www.Joinidf.org <http://www.Joinidf.org>, www.Jewishlegion.net <http://www.Jewishlegion.net> ஆகிய தளங்களும் இதே மிறி முகவரியில் இருந்துதான் சேவை பெறுகின்றன. இதில் முதலாவதாகக் குறிப்பிடப்படுவது இஸ்ரேல் இராணுவத்திற்கு ஆள் சேர்க்கும் தளம். இரண்டாவதாகக் குறிப்பிடப்படும் தளத்தைத் திறந்தீர்களானால் அது உங்களை difendisrael.net எனும் தளத்திற்குக் கைகாட்டும். அங்கு ஒரு படத்தைக் காணலாம். அதில் பயந்து நடுங்கும் ஒரு அரேபியனை ஒரு போலீஸ் நாய் கடித்துக் குதறும்.

“பயங்கரவாதத் தாக்குதல்களிலிருந்து இஸ்ரேலில் வாழும் யூதர்களைக் காக்க” பயிற்சி அளிக்கப்பட்ட போலீஸ் நாய்கள் பயன்படுத்தப் படுவதாகப் பெருமையுடன் அதற்கு விளக்கமும் அளிக்கப்படும். இப்படி சியோனிசத் தீவிரவாத கஹானே கும்பலின் பல இணையத் தளங்கள் இந்த மிறி முவரியிலிருந்து சேவை பெறுகின்றன. இவற்றில் பல இஸ்ரேலுடனும் அதன் இராணுவத்துடனும், சியோனிச அமைப்புகளுடனும் நேரடியாகத் தொடர்புடையவை.

இவை தவிர இந்த செர்வரிலிருந்து வேறு ஏதேனும் தளங்கள் சேவை பெறுகின்றன என்றால் அவை HinduUnity மற்றும் பஜ்ரங்தள் சார்ந்த இணையத் தளங்கள்தான்.

(இது வெறும் தொழில்நுட்ப கூட்டணி மட்டும் தானா? விளக்கம் அடுத்த வாரம்)

Sign up via our free email subscription service to receive notifications when new information is available.